تجربة بخار الماء للبشرة وازالة الحبوب الشباب وتفتيح البشرة وميزات وفوائد

تجربة بخار الماء للبشرة وازالة الحبوب الشباب وتفتيح البشرة وميزات وفوائد

معايا حاتبقى شبه البنت الامورة اللى فى الصورة دى

وممكن تبقى شبه باربى

بس اسمعى كلامى بالحرف ونفذيه

اول حاجة حاتعمليها ومن غير كلام

حاتروحى فوق على اليمين

وتقييمى الموضوع لانك حاتستفيدى جدا

طبعا

دة لو عجبك المموضوع

دة شكل جهاز بخار الماء

طبعا مش مهم يكون عندى وعندنا البديل وببلاش

امشى معايا خطوة خطوة

اول حاجة حاتعمليها حاتروحى على مرايتك بس ماتغيريش المرايا
خاليكى ثابتة على مراية معينة علشان تقدرى تعرفى الفرق قبل
وبعد
حاتبصى لوشك فى المراية وتراقبى كل حتة فيه وتسجلى بالورقة
والقلم

عنيكى
لاحظى درجة وسع عنيكى فى مننا ناس عنيها كانت واسعة
وحسيت انها قفلت شوية او ضاقت اللى حيلاحظ الفرق الناس
اللى زى حالتى المتفدمين فى العمر اما البنات الوراور ممكن
مايحسوش بالفرق قوى

لاحظى التجاعيد اللى جنب عنيكى - لاحظى الانتفاخات اللى فوق
او تحت وماتنسيش تسجلى علشان تحفظى وشك كويس
وشك
لاحظى الانتفاخات اللى فى وشك والتجاعيد اللى حوالين فمك أو خدودك أو اى مكان فى وشك

منخارك

شوفى لون المنخار خاصة للى بيعانوا من البثور السوداء حواليها
تحسسى شكل المنخار وحجمه انا طبعا ماليش علاقة بعضمة
المنخار لانها مش حاتتأثر بالبخار لكن فى ناس منخارها كبر
بعوامل خارجية زى الدهون وزى اللعب فيها أو شدها فالبتالى
المناخير بتكبر وبتفرش

اذا كان نظرك قوى بصى كويس على مسمات وشك وخاصة عند
الخدود وشوفى حجمها واحفظيها بنظرك كويس

نيجى بقى لاهم نقطة والاكتشاف العظيم

التنفس

للاسف كلنا بنتنفس بطريقة غلط

كلنا نعرف منافع تقنية التنفس السليمة. إذا كنت تتنفس بشكل خاطئ فجسمك لا يحقق اي منفعة وكذلك رئتاك. بينما تسوء الحالة إذا علمنا بأن العديد من الأشخاص لا يقومون بالزفير بشكل سليم ايضا مما يعني ان الغازات والسموم التي استنشقوها بقية مترسبة في الرئتين.
وهكذا فالتنفس السليم لا يعني فقط حصول اجسامنا على الاكسجين بل حصول صحتنا ايضا على فرصة افضل

لاحظى جيدا وراقبى تنفسك هل تتنفسى بطريقة سليمة هل نفسك قصير

مهم قوى رصد وتسجيل كل مافات

الخطوة التانية

حاتغسلى وشك كويس بالماء والصابون وتنشفيه

الخطوة الثالثة

حتجيبى حلة مقاسها كبير+ معلقة كبيرة اى عشب
نعناع - بابونج - بردقوش + فوطة كبيرة + ماء

الطريقة

حاتعملى النعناع كأنك حاتشربيه غطيه واتركيه جانبا
حطى المية فى الحلة لغاية ربعها أو أكثر قليلا وحطيها
على النار وقبل ماتصل الى درجة الغليان بشوية شيليها
وحطى عليها النعناع أو العشب اللى اخترتيه ممكن يانسون
واربطى شعرك بايشارب وهاتى الفوطة حطيها على شعرك

وقربى على الحلة وخلى بينك وبينها مسافة تقديرية تناسبك
واجعلى الفوطة منسدلة على الحلة على شان تستفيدى بكل
البخاروغمضى عنيك فى البداية وحاولى تستنشقى اول
ماتحسى انك حاتفطسى وعايزة تاخدى نفسك ارفعى رأسك
وخدى نفس عميق ثم أغطسى تانى وهكذا وتكونى واول ما
تحسى ان المية بدأت درجة حرارتها تقل سخنيها تانى العملية
دى حاتحتاج فى اول مرة مدة ثلث ساعة 20 ق وأول ماتحسى
انك ممكن تفتحى عينك فى البخار افتحيها شوية
بعد انتهاء العملية الانتحارية تكونى مجهزة فى الفريزر زجاجتين
مياة مثلجة ومشيهم على وشك مدة 10 ق علشان تقفلى المسامات
وبلاش مكعبات الثلج لانها بتسيح بسرعة وحاتدبهدلى من المية
ومش حاتستفيدى بيها قوى بعد ماتخلصى نشفى وشك جيدا
وادهنيه بكريم ملطف ومغذى

فوائد حمام البخار للوجه

زيادة تنشيط وتحسين الدورة الدموية في البشرة ، والعمل على تفتيح المسام للتخلص من أكبر قدر ممكن من الإفرازات الدهنيةوالسوائل الزائدة والمواد الضارة ...

من أجل الحصول على بشره نظيفة بطريقه مثالية ...

الخطوة الرابعة

روحى على مرايتك اللى بصيتى فيها قبل كدة وهاتى الورقة اللى

سجلتيها قبل حمام البخار وقارنى وتعالى قوليلى بالظبط ايه التغيير

اللى لاحظتيه

ملحوظة مهمة

ضرورى تسجلى قبل عمل البخار خاصة للى حاتعمله أول مرة

لانك لو ماسجلتيش اول مرة وقولتى حابقى الاحظ تانى مرة
مش حتلاحظى حاجة تانى مرة لان السر كله فى أول مرة لعمل البخار لانه بيخلصك من حاجات كتيرة ممكن تانى مرة مش
حتلاحظيها لانك حاتكونى خلاص تخلصتى منها ووشك الجديد حيبقى مألوف بالنسبة بالك يارب اكون قدرت اوصل المفهوم
ملحوظة 2
حانعمل حمام البخار تانى مرة بعد أسبوع ثم بعد اسبوعين ثم بعد 3 أسابيع قم بعد شهر وحانثبت على كدة كل شهر مش أقل

الخطوةالخامسة

يستحسن تعمليها تانى يوم او لو عملتى حمام البخار الصبح

يبقى ممكن تعملى الخطوة دى فى المساء

حاتعملى تقشير لوشك

ملعقة سكرخشن كبيرة + ملعقة زيت زيتون صغيرة + نصف

ليمونة أو استبدالها بملعقة صغيرة خل لذوات البشرة الحساسة
والنتيجة واحدة
واللى خايفة قوى على بشرتها الحساسة تحط نقطتين خل فقط

اخلطيهم معا وشعيهم على وشك مع الفرك برفق والاتجهات اللى

انت عارفاها ولمدة لا تقل عن عشر دقائق قم اشطفى وشك جيدا
بالماء الفاتر فقط

ملحوظة مهمة

تقشير الوجه يفضل عمله مرتين فى الاسبوع اما لو كنتى بتنزلى

يوميا يبقى اعمليه 3 مرات اسبوعيا للتخلص من الشوائب والجلد
الميت والاسمرار

يتبــــــــــــــــــــــــع ان شاء الله

تابعونى علشان انقلكم تجربتى بعد البخار

رايحة فين منك ليها فين التقييم

ولا امسح الموضوع واحرمكم من الميراث

انا زى ماقولتلكم كدة عملت وبصيت لوشى فى المرايا وسجلت كل حاجة

وجيت علشان أنقل تجربتى بكل امانة علشان الكل يستفيد

انا اول ماقربت وشى للبخار حسيت والله العظيم ان فى حد بيشد جلد وشى وبيسحبه واللى حاتعمل البخار لاول مرة حاتحس بنفس
الاحساس دة وكنت قافلة عنية ومش قادرة افتحها وكانت بدمع بس
بعد شوية عرفتأفتحها فى البخار

*اول حاجة حسيت بيها ان عنية فتحت( وسعت شوية) ازاى لانى
كنت حاسة
دايما ان عنية مقفولة شوية وعايزة افتحها قوى زى زمان ومش

قادرة طبعا ماحدش يفهم غلط ويقول ان البخار كبر عنية لا طبعا
أقصد انها رجعت لطبيعتها

* تانى حاجة حسيت ان مناخيرى فشت شوية وماحدش يفهم غلط
ويقول ان مناخيرى صغرت من البخار ويجيى يقولى انى بهيص
عليكم هههههههههه

* ثالث حاجة حسيت ان جلد وشى مشدود ودى بقى ملحوظة جدا والكل حايلاحظها

**رابع شىءان التجاعيد قلت قليلا من عند العين والفم

* خامس حاجة ان المسمات قفلت شوية وملحوظة

* سادسا النقط السودة اللى حوالين المناخير راحت انا ماكنش عندى كتير
* سابعا ودى الاهم حسيت ان التنفس اتحسن كتير

ودى كانت مأساتى قصدى تجربتى اللى عجبتى نتائجها جدا
واتمنى ان تجربوها وتيجوا تحكوا علشان الكل يستفيد

ماتنسوش التقيييييييييييم ياقمررررررات